УРОК БЕЛАРУСКАЙ МОВЫ Ў 6 КЛАСЕ ПА ТЭХНАЛОГІІ ПОЎНАГА ЗАСВАЕННЯ

(Настаўніца вышэйшай катэгорыі Боўша Валянціна Андрэеўна)

Тэма: Правапіс не(ня) з прыметнікамі

Мэта:

1) Дапамагчы вучням засвоіць правілы напісання не(ня) з прыметнікамі.

2) Выпрацоўваць уменні прымяняць неабходны алгарытм разважання; адрозніваць прыметнікі, якія без не(ня) не ўжываюцца; правільна ўжываць прыметнікі з не(ня) у вусным маўленні.

3) Выхоўваць у вучняў любоў да сваёй Радзімы, пачуцці павагі да беларускага народа.

Тып урока: урок засваення новых ведаў (па тэхналогіі поўнага засваення).

Абсталяванне: падручнік "Беларуская мова" (6 клас), дыягнастычны тэст, выніковы тэст, фонахрэстаматыя..

Ход урока

І. Арганізацыйны момант (1-2 хвіліны)

ІІ. Агульная ўстаноўка

Сённяшні ўрок мы пачнём з загадак, якія вы, я ўпэўнена, любіце разгадваць:

1. Чырвоная дзюба, чырвоныя пяты, на лузе - цыбаты, у небе - крылаты. (Бусел)

2. На лузе браточкі з аднае сямейкі: залатыя вочкі, беленькія вейкі. (Рамонкі)

- Скажыце, калі ласка, якую краіну называюць "зямлёю пад белымі крыламі". Чаму?

Сапраўды, бусел - гэта сімвал Беларусі. А рамонкі, кветачкі нашых лугоў, маюць такі ж колер, як і наша белая, чыстая Русь. (Гучыць песня "Люблю цябе, Белая Русь").

А цяпер апошняя загадка: (запісана на дошцы)

- Я аздабляю нашу мову,

Даю прыметы розным словам,

Наўрад ці зможаш без мяне ты

Прадмет адрозніць ад прадмета. (Прыметнік)

Звернемся да паэтычных радкоў, якія запісаны на дошцы:

Зямлю беларускую

А сцежкаю вузкаю,

З чырвонай рабінаю

Заву я любімаю.

З матулінай ласкаю,

З бабулінай казкаю

На свеце такая адна.

Зямля мая ветлая,

Азерамі светлая,

Барамі гасцінная

У сэрцы адзіная.

С.Басуматрава

- Знайдзіце і падкрэсліце ў гэтым вершы прыметнікі, вызначце іх разрад. (беларуская (адн.), вузкая (якасн.), чырвоная (якасн.), матуліна (прын.), бабуліна (прын.), ветлая (якасн.), светлая (якасн.), гасцінная (якасн.)

- А цяпер звярніце, калі ласка, увагу на словы, якія запісаны на дошцы - ураджай, удача, шчасце, увага, спакой.

- Падбярыце да іх антонімы, ужываючы прыстаўку не(ня). А цяпер утварыце ад гэтых слоў прыметнікі.

ІІІ. Дэтальнае ўдакладненне мэты навучання. Работа ў парах.

Абмяркуйце ў парах пытанне:

- Якая тэма сенняшняга ўрока?

- Якую мэту можна паставіць? (Вучні фармуліруюць мэту ўрока)

IV. Вывучэнне новага матэрыялу

1. Работа з параграфам 43 падручніка ()сумесна з настаўнікам .

2. Работа ў парах: 1 варыянт - скласці схему правапісу не(ня) з прыменікамі (злітна); 2 варыянт - скласці схему правапісу не(ня) з прыметнікамі (асобна).

3. Абмен інфармацыяй у парах (па складзеных схемах).

4. Састаўленне алгарытму разважання.

5. Фізкультхвілінка - 2-3 хвіліны

6. Практыкаванне №321

V. Дыягнастычнае тэсціраванне

Вучні выконваюць дыягнастычны тэст:

1. (Не, ня) умелы

2. (Не, ня) вольны

3. (Не, ня) воля, а турма

4. (Не, ня) вяселы, а сумны

5. Зусім (не, ня) вялікі

6. (Не, ня) спакойны

7. (Не, ня) свежы

8. (Не, ня) далекі, а блізкі

9. (Не, ня) высокі

10. (Не, ня) смачны

VI. Карэкцыйная работа

Вучні дзеляцца на дзве групы:

1 - група паглыблення (хто выканаў дыягнастычны тэст без памылак);

2 - група карэкцыі (хто выканаў дыягнастычны тэст з памылкамі).

Група карэкцыі Група паглыблення

1. Тлумачэнне новай тэмы настаўнікам.

2. Практыкаванне 322 або 323

3. Запіс словазлучэнняў на дошцы (вучні запісваюць словазлуччэнні і каменціруюць іх правапіс)

(Не) вяселы, а сумны; (не) прыгожы, (не) дрэнны, (не свежы), зусім (не) цікавы, (не салодкі), а кіслы.

4. Падагульненне настаўніка. Вучні выконваюць заданні самастойна.

Індывідуальная работа

1. Скласці сказы са словамі, каб прыметнікі з не(ня) пісаліся злітна і асобна (парамі): невяселы, невялікі, нясмачны, нялегкі, нядобры.

Групавая работа

2. Успомніць і запісаць прыказкі, прымаўкі з прыметнікамі на правапіс не(ня).

3. Перакласці на беларускую мову:

а) Он у нас далеко (не) лучший.

б) Вдали показалась (не) большая деревенька.

в) Сережа был (не) большой, а маленький.

VII. Выніковы тэст

Адзначце нумары, дзе не(ня) з прыметнікамі напісана правільна:

1 варыянт

1. Несціханы

2. Фільм зусім не цікавы

3. Неяркая зорка

4. Не вялікі дом

5. Нядужы хлопчык

6. Не шырокі, а вузкі

7. Не салены агурок

8. Не любімы прадмет

9. Нясвабодны чалавек

10. Нядобры ўчынак

2 варыянт

1. Нявузкі

2. Далека не блізкая дарога

3. Невысокі

4. Не багаты ўраджай

5. Нясмачны квас

6. Не высокі, а нізкі

7. Не дарагі падарунак

8. Не ясны дзень

9. Няпрыгожы пенал

10. Нясмелы чалавек

Настаўнік:

- Праверце правільнасць выканання тэста. (Правільныя адказы запісаны на дошцы: 1, 2, 3, 5, 6, 10).

VIII. Рэфлексія:

1) Вучні самастойна правяраюць выніковы тэст, ацэньваючы 1 балам кожны правільны адказ.

2) Падымаюць карткі з узроўнем засваення тэмы (поўнасцю, часткова, не засвоіў).

3) Настаўнік выстаўляе адзнакі, каменціруе іх.

ІХ. Дамашняе заданне:

V узровень - міні-сачыненне "Няўдачны дзень"

IV узровень - скласці слоўнікавы дыктант па тэме

ІІІ узровень - практыкаванне №324