( Сцэна ўпрыгожана пад лясную паляну. Аформлена выстава малюнкаў па модулю. Гучыць музыка, ыходзяць трое вучняў):

1 вучань: -Добры дзень! Добры дзень!

                  Добры дзень таму, хто ў гэтым даму!

                  А людзей тут цераз край.

                  Хоць ты лыжкаю мяшай!

                  А ці рады вы нам?

                  Калі вы нам рады,

                   То і мы вам да нарады!

2 вучань:  Зіхаціць на небе сонца,

                  Ранак разгараецца,

                  А ў дзятвы нашай вясёлай

                  Свята пачынаецца!

3 вучань: Сышліся на свята

                 І нам тут не цесна,

                  Бо ўсе з аднаго мы,

                  З вясёлага цеста.

( Выходзіць старык-лесавік.)

С.-Л.: Усе прыйшлі, усе прыйшлі,

           Ды на лавы

                                 селі,

           Майго ўнука тут няма

            Мусіць ваўкі з"елі.

Дзеці:  Не, старык- лесавік, не з"елі. Тут ён ваш Мікітка.

             Ды не адзін, а з сябрамі , ды як хораша спяваюць!

      ( Заходзіць Мікіта з сваімі сябрамі.)

Гучыць беларуская народная песня" Мі кіта".

С.-Л.: Ціха, вы, гарэзы!

           А то прыйдзе серанькі ваўчок,

            Схопіць дзетак за бачок.

( Хапае за бачок дзяўчынку.)

Мікіта: Дзядуля, чаго ты нас пужаеш? Мы не баімся ваўка. І гуляць вось зараз будзем. Праўда, сябры?

Усе: - Праўда!

Мікіта: А гульня называецца" Воўчы хвост".

Станавіцеся ў паўкола, я лічылкай выбяру" Вўка" і "Гаспадыню".

Бусел, бусел, клекатун,

Схапіў жабу за каўтун.

Па балоту валачыў,

Нагавіцы замачыў.

( Ідзе гульня" Воўчы хвост", пад музычнае суправаджэнне.)

За сцэнай чуецца рык " ваўка". Дзеці разбягаюцца. На сярэдзіну выходзіць" воўк".

Гучыць песня " Гэй ты, воўчанька!" ( з імправізацыяй).

С.- Л.: (падыходзіць да ваўка)

          - Воўк, воўк, што ты робіш?

          - Ямачку капаю.( Кошкае нагой.)

          -На што табе ямка?

          -Мяса варыць.

          -На што табе мяса?

          -Дзцей карміць.

          -А дзе мяса возьмеш?

          -У цябе.

          -А я не дам.

          -А я вазьму.

( Воўк бегае за дзецьмі. Дзеці хаваюцца за старыка-лесавіка.)

С.-Л.: - Ну не пужай дзяцей, супакойся. Дзеці мае добрыя, вясёлыя. Шмат танцаў, загадак, песень ведаюць. І цябе пазабаўляюць, тваю шэраю душачку павесяляць.

-В.: Добра.Не буду чапаць я іх, калі і мяне возьмуць у танцы ды скокі. І будуць саябраваць са мной, а не біць.Згодны?

Усе: Згодны!

( Гучыць б. н. песня " Запражыце сівых коней").

С.-Л.: Сапраўднае сяброўства лепш за багацце.

В.: Пра якія такія загадкі вы гаварылі?

С.-Л.: Шмат гадоў на свеце жыву. Многа загадак ведаю. Сядайце, слухайце, ды адгадвайце.

Загадкі:

С.-Л.: Надварэ стаіць гара: чатыры тыкі, дзве матыкі, сёмы замахайла. (Карова.) А цяпер вы дзеці загадвайце.

-Пятро бяжыць, а варона крычыць.( Воўк.)

-Не прадзе, не тчэ, а людзей апранае. (Авечка.)

-Ляжыць пад ганкам, хвост абаранкам.( Сабака.)

-Не згубіла, а ўсё шукае, не хворая, а ўсё крэхча.( Свінка.)

-У рыжай разбойніцы

Хвост, як мятла.

Ад кары ўцякла-

Сляды замяла.( Ліса.)

-Ён па лесе скок ды скок,

Косіць вокам з боку ў бок.

У дупле вавёрка-шчоўк!

А яму здаецца- воўк.(Заяц.)

С.-Л.: -Малайцы дзеці. Нічога не скажаш, кемлівы тут сабраўся народ! Нездарма кажуць: за аднаго вучонага-дзесяць невучоных даюць.

А зараз вы мяне парадуйце сваімі прымаўкамі ды прыказкамі.

        Прымаўкі і прыказкі:

-        Валачыў воўк, павалаклі і ваўка.

-        Пад авечай шкурай хаваецца часта воўчая душа.

-        Перабраўся воўк у аўчыну.

-        Воўк мяняе шкуру, але не нораў.

-        Воўк кожны год ліняе, а натуры не мяняе.

-        Хто нарадзіўся ваўком, той лісою не стане.

-        Калі вучыў ваўка гаварыць, ён заўсёды скажа" ягня".

-        Воўк- дрэнны вартаўнік.

-        Не вер казлу у капусце, а ваўку ў авечках.

-        Стары воўк знае толк.

В.:  -А  мяне вы не вельмі хвалілі. Настрой сапсавалі.

Вучань:  Не перажывай, Воўчанька. Зараз мы танцаваць будзем. Станоўся з намі і танцуй нашу любімую" Лявоніху".

     Танец" Лявоніха".

( Воўк змораны)

В.:  -Досыць, сябры, вам пець-танцаваць. Зараз хачу гуляць!

Гульня"Воўк і авечкі".

С.-Л.: -Ну што, воўчанька, папаўся?! Не сярдуй. Станоўся ў кола, ды спяваць спрабуй.

Б.н.п. "Саўка ды Грышка". ( З імравізацыяй.)

Мікіта: -Паважаныя сябры!

             Мы маглі да ранку

              Танцаваць, гуляць, смяяцца!

               Але як не сумна нам,

                Трэба развітацца.

С.-Л.: -Спадзяёмся, шсо нашы забавы прыйшліся табе, Воўчанька, да спадобы. Беларускія народныя гульні, песні і танцы не пакінулі цябе абыякавым. І ты больш не будзеш сумаваць, дзцей у сваё логава цягаць.

В.: - Не, С.-Л., не буду, калі вы мяне яшч і пачастуеце.

(Даюць мех бульбы).

Пад музычнае суправаджэнне б.н.п.-танца"Бульба", дзеці завяршаюць свята.

                                        

Літаратура:

"Загадкі", "Гульні-забавы, ігрышчы"-( беларуская народная творчасць), В.К.Бандарчык.

" Беларускі фальклор"( хрестаматыя) К. П. Кабашнікаў.

" Беларускі дзіцячы фальклор" А. М. Аляхновіч.

"Музыка" 2 клас Н. І. Бракала.