Дзесяць запаведзяў мамы і таты  першакласніка

 

ПАЧЫНАЙЦЕ  “ЗАБЫВАЦЦА”   ПРА   ТОЕ,   ШТО ВАША ДЗІЦЯ МАЛЕНЬКАЕ

Дайце яму пасільную работу дома, вызначце кола яго абавязкаў. Зрабіце гэта мякка: "Які ты ўжо вялікі! Мы нават можам табе даручыць памыць  посуд  (вымыць падлогу, выцерці пыл і г.д.)".

ВЫЗНАЧЦЕ   АГУЛЬНЫЯ  ІНТАРЭСЫ

Гэта могуць быць і пазнавальныя інтарэсы (любімыя мультфільмы, казкі, гульні), і жыццёвыя (абмеркаванне сямейных праблем )

НЕ      СВАРЫЦЕСЯ,     I      ТЫМ      БОЛЬШ    НЕ АБРАЖАЙЦЕ ДЗІЦЯ Ў ПРЫСУТНАСЦІ ЧУЖЫХ ЛЮДЗЕЙ

         Паважайце пачуцці і думкі дзіцяці. На скаргі з боку навакольных людзей, выхавацеля ці настаўніка, адказвайце: "Дзякуй, мы дома абавязкова пагаворым на гэтую тэму".

НАВУЧЫЦЕ ДЗІЦЯ ДЗЯЛІЦЦА СВАІМІ  ПРАБЛЕМАМІ

 Абмяркоўвайце з ім камфліктныя сітуацыі, якія ўзнікаюць з аднагодкамі і дарослымі. Цікаўцеся яго думкамі, толькі так вы зможаце сфарміраваць у яго правільную жыццёвую пазіцыю.

ДАЛУЧАЙЦЕ ДЗІЦЯ ДА ЭКАНОМІКІ СЯМ'І  

        Паступова прывучайце яго параўноўваць цэны, арыентавацца ў сямейным бюджэце (напрыклад, дайце яму грошы на хлеб і марожанае, каментыруючы суму на першы і другі прадукт). Стаўце ў вядомасць аб адсутнасці грошай у сям 'і, разам хадзіце ў магазін.

ПАСТАЯННА ГАВАРЫЦЕ З ДЗІЦЁМ

Развіццё мовы – залог добрай вучобы. Былі ў тэатры (цырку, кіно)- няхай раскажа, што яму больш за ўсё спадабалася. Слухаце ўважліва, задавайце пытанні, каб дзіця адчувала, што вам гэта на самой                       справе цікава.   

АДКАЗВАЙЦЕ НА КОЖНАЕ ПЫТАННЕ ДЗІЦЯЦІ

Толькі ў такім выпадку яго пазнаваўчы інтарэс ніколі не зменшыцца.

ПАСТАРАЙЦЕСЯ ХАБЯ Б ЧАС АД ЧАСУ ГЛЯДЗЕЦЬ  НА СВЕТ ВАЧЫМА ВАШАГА ДЗІЦЯЦІ

Бачыць свет вачыма іншага – аснова для ўзаемадзеяння.

ЧАСЦЕЙ ХВАЛІЦЕ, ЗАХАПЛЯЙЦЕСЯ ВАШЫМ ДЗІЦЁМ

На скаргі пра тое, што нешта не атрымліваецца, адказвайце: "Абавязкова атрымаецца, толькі трэба некалькі разоў паспрабаваць". Фарміруйце высокі ўзровень прэтэнзій. I самі верце, што ваша дзіця можа ўсё, трэба толькі яму дапамагчы. Хваліце словам, усмешкай, ласкай, а  не адкупляйцеся цукеркамі ці цацкамі

НЕ БУДУЙЦЕ ВАШЫ ЎЗАЕМААДНОСІНЫ НА ЗАБАРОНАХ

Згадзіцеся, што яны не заўсёды разумныя. Заўсёды тлумачце прычыны вашых патрабаванняў, калі ёсць магчымасць, прапануйце альтэрнатыву. Павага да дзіцяці – фундамент паважлівых адносін да вас у цяперашнім і будучым.